បើ Facebook របស់លោកអ្នកត្រូវគេ hack តើធ្វើដូចម្ដេចទើបធានា អាចយកមកប្រើវិញ​បាន​?

បើ Facebook របស់លោកអ្នកត្រូវគេ hack តើធ្វើដូចម្ដេចទើបធានា អាចយកមកប្រើវិញ​បាន​?

ប្រសិន​គណនី Facebook របស់​អ្នក​ត្រូវបាន​គេ hack តើ​ធ្វើ​ដូចម្ដេច​ដើម្បី​ទាមទារ​យកមក​វិញ​បាន​? គន្លឹះ​ប៉ុន្មាន​ចំណុច​ខាងក្រោម​នេះ អាចជា​ជំនួយ​ដល់​អ្នក​បាន​ខ្លះ​ ក្នុង​ការ​ទាមទារ​យក​គណនី Facebook ដែល​ត្រូវ​គេ HacK មក​វិញ​៖​

១) ចូលទៅ​គេហទំព័រ https://www.facebook.com/hacked រួចហើយ​ចុច​លើ​ប៊ូ​តុង “My Account Is Compromised”​។ បន្ទាប់មក​វាយ​បញ្ចូល​អាសយដ្ឋាន​អ៊ីមែល (email address) ឬ​ឈ្មោះ​នៅពេល Login (Login name) ឬ​ឈ្មោះ​ពេញ (Full Name) ឬ​បញ្ចូល​លេខ​ទូរស័ព្ទ​ក៏បាន ហើយ​ចុច​លើ​ប៊ូ​តុង Search ដើម្បី​ស្វែងរក​គណនី​ដែល​ត្រូវបាន hack​។

​ប្រសិន​ស្វែងរក​មិនឃើញ ត្រូវ​ព្យាយាម​បញ្ចូល​ព័ត៌មាន​ទាក់ទិន​នឹង​គណនី Facebook ក្រៅពី​ការបញ្ចូល​ម្ដង​ហើយ​ដែល​រក​ពុំ​ឃើញ​។ (​ឧទាហរណ៍ ប្រសិន​អ្នក​វាយ​បញ្ចូល​លេខ​ទូរស័ព្ទ ប៉ុន្តែ​ស្វែងរក​មិនឃើញ​គណនី Facebook ដូច្នេះ​គួរ​សាកល្បង​បញ្ចូល​អាសយដ្ឋាន​អ៊ីមែល ឬ Login name ម្ដង​)​។
២) បន្ទាប់ពី​ស្វែង​រកឃើញ​នូវ​គណនី Facebook ដែល​ត្រូវបាន​គេ hack រួចហើយ សូម​បញ្ចូល​លេង​សម្ងាត់ (password) នៅក្នុង​ប្រអប់ Current or Old Password ដែល​ស្ថិតនៅក្រោម​គណនី​។ អ្នក​ប្រាកដជា​មិន​ស្គាល់ Password ថ្មី​ដែល hacker បាន​ផ្លាស់ប្ដូរ​ហើយ ក៏ប៉ុន្តែ​នៅត្រង់​នេះ ក្រុមការងារ​ផ្នែក​សុវត្ថិភាព​របស់ Facebook បានផ្ដល់​ជម្រើស​ឱ្យ​លោកអ្នក​អាច​ប្រើ​លេខ​សម្ងាត់​ចាស់ (old password) បាន គឺជា Password ដែល​អ្នក​ប្រើ​នៅមុន​ពេល​គេ hack​។

៣) ដោយសារ​ពេលនេះ អ្នក​វាយ​បញ្ចូល password ចាស់ ដែល​លែង​ជា​លេខ​សម្ងាត់​ដែល hacker បាន​ប្ដូរ នោះ​នឹងមាន​ផ្ទាំង​ថ្មី​បង្ហាញឡើង​ដើម្បីឱ្យ​លោកអ្នក​ធ្វើការ​កំណត់​លេខ​សម្ងាត់​ឡើងវិញ (Reset Password)​។ ក្នុងការ Reset លេខ​សម្ងាត់​គឺមាន ៣​ជម្រើស (​ដូច​រូប​) គឺ​៖

-Use my Yahoo! Account ឬ Use my Google account (​អាស្រ័យ​លើ​សេវាកម្ម​របស់​ក្រុមហ៊ុន Yahoo ឬ Google)
-Email me a link to reset my password
-Text me a code to reset my password

៤) លោកអ្នក​អាច​រើសយក​ជម្រើស​ណាមួយ​ខាងលើ​ក៏បាន ដើម្បី​អះអាង និង​ប្រើប្រាស់​គណនី​ដែល​គេ hack ឡើងវិញ​បាន​។ បញ្ជាក់​៖ ប្រសិន​លេខ​សម្ងាត់​គណនី​អ៊ីមែល​របស់លោក​អ្នក ដាក់​ដូចគ្នា​នឹង​លេខ​សម្ងាត់ Facebook នោះ​អាច​ត្រូវបាន hacker យកទៅ​ប្រើ​ដើម្បី Login ក៏​ថា​បាន​។ ដូច្នេះ ប្រសិន​អ្នក​រើសយក​ជម្រើស Email me a link to reset my password គឺ​ដូចជា​ផ្ញើ​លេខ​សម្ងាត់​ឱ្យ hacker អីចឹង​។ ត្រង់ចំណុច​នេះ អ្នក​ក៏​នៅមាន​ជម្រើស ប្រើ​អាសយដ្ឋាន​អ៊ីមែល​ផ្សេងទៀត​បាន ដោយ​ចុច​លើ No longer have access to these? ស្ថិតនៅ​ផ្នែក​ខាងក្រោម។
៥) ក្រោយពី​ចុច​លើ​ជម្រើស​ខាងលើ​រួច អ្នក​ត្រូវបំពេញ​អាសយដ្ឋាន​អ៊ីមែល​ថ្មី (new email address) ដែល​អ្នក​ចង់​ផ្ញើ តំណ​ភ្ជាប់​ប្ដូរ​លេខ​សម្ងាត់ (change password link) ទៅកាន់​អ៊ីមែល​ដើម (primary email)​។ ពេលនោះ អ្នកនឹង​អាច​ត្រឡប់​ទៅប្រើ​គណនី Facebook ពីមុន​របស់​អ្នក​បាន​។ បញ្ជាក់​៖ ប្រសិន​លោកអ្នក​មាន​គណនី Facebook ចាស់​តែ​ភ្លេច Password មិនអាច​ភ្ជាប់​ចូល (login) បាន ដូច្នេះ​អ្នក​ក៏​អាច​សាកល្បង​តាម​វិធីសាស្ត្រ​ខាងលើ​បានដែរ ឱ្យតែ​ចាំ​គណនី​អ៊ីមែល​ដែល​បាន​ប្រើ​ជាមួយ Facebook៕